Rêxistina DEM Partiyê ya Osmaniyeyê, di çarçoveya “Hevdîtinên Aştî û Civaka Demokratîk” de li eywaneke dawetan bi gel re civîn li dar xist. Gelek welatî tev li civînê bûn. Welatiyan daxwaza aştiyê kirin û xwestin zerxt û zilm bi dawî bibe. Welatiyan, anî ziman ku aliyekî aştiyê dewlet û îktîdar û li aliyê din jî Rêberê Gelê Kurd Abdullah Ocalan heye û got: “Heke rêberê me yê 27 sal in li Îmraliyê di tecrîdê de azad bibe dê aştî bibe. Nexwe aştî nayê. Em bi rêberê xwe bawerin. Lêbelê baweriya me bi îktîdarê nayê. Lewma jî ji bo aştî were, hewceye gel li kolanan dengê xwe bilind bike. Aştî, tenê bi têkoşîna gel dikare were.”