Hinek dezgehên çapemeniyê ragihand ku pêşnûmeya rapora Komîsyona Meclisê temam bûye. Lêbelê endamên komîsyonê yên DEM Partiyê diyar kir ku hêj pêvajoya pêşnûmeya raporê ya komîsyonê temam nebûye û xebatên li ser hinek sernavên hêj lihevkirinek ser çênebûye didome. 

 

Me, nûçeyên behsa xeberê ji endamên komîsyonê yên DEM Partiyê pirsî. Endaman got: “Me bihîst ku hinek dezgehên çapemeniyê cih dane hinek sernavên di pêşnûmeya Rapora Hevpar a Komîsyonê. Di serî de dixwazin bibêjin ku her çend di xebatên pêşnûmeya raporê de li ser hinek mijaran pêşketin hebin jî, hêj mijarên ku lihevkirinek ser çênebûye hene. Pêvajoya pêşnûmeya raporê temam nebûye. Em ê di demeke herî nêz de agahdariya pêwîst bikin.” 

 

MA / Selman Guzelyuz