Dayikên Aştiyê yên Rojhilatê der barê darvekirinan de daxuyaniyeke vîdeoyî weşandin. Di daxuyaniyê de, peyama ji bo rawestandina darvekirina girtiyên siyasî li Îranê hevgirtineke xurt pêwîst e, hat ragihandin.

 

Dayikên Aştiyê ku anîn ziman ew ji bo jiyana zarokên xwe bi fikar in, diyar kirin ku darvekirin ne tenê gefê li kesan, di heman demê de gefê li rûmeta mirovan û pêşeroja civakê jî dixwin. Dayikên Aştiyê, bi banga yekîtî û parastina mafê jiyanê li partî û rêxistinên Kurd û neteweyî û navneteweyî, daxwaza rawestandina darvekirinan, zêdekirina zexta navneteweyî, bilindkirina hesasiyeta gerdûnî û piştgiriya malbatên girtiyan kirin. Dayikên Aştiyê destnîşan kirin ku bêedaletî tenê bi yekîtî û çalakiya hevpar dikare bê têkbirin.

 

JI PJAK'Ê PIŞTGIRÎ

 

Endamê Lijneya Rêveber a PJAK'ê Rêwar Awdanan, piştgiriya xwe ji bo daxuyaniya Dayikên Aştiyê anî ziman û got: "Dayikên Aştiyê yên Kurdistanê ji bo pêşîgirtina li darvekirina girtiyên siyasî ji aliyê rejîma Komara Îslamî ya Îranê ve, banga 'hevkarî û hevgirtinê' kirin. Em, wekî PJAK, hem ji bo xwe û hem jî ji bo tevahiya gelê Kurd, qîmetê didin Dayikên Aştiyê yên Kurdistanê. Em bi hemû hêza xwe piştgiriyê didin Dayikên Aştiyê û banga wan."