
Bagera Kalmaegiyê ji Vîetnamê ber bi Kamboçyayê ve pêş dikeve 

2025-11-07 10:42:04


	NAVENDA NÛÇEYAN - Ji ber Bagera Kalmaeiyê li Filîpînan herî kêm 188 kesan, li Vîetnameê jî herî kêm 5 kesan jiyana xwe ji dest dan. Bager, ber bi Kamboçya û Laosê ve diçe.&nbsp;

	&nbsp;

	Bagera Kalmaeiyê ku li Filîpînan rê li ber mirina herî kêm 188 kesan vekir, li Vîetnamê jî bû sedema mirina 5 welatiyan. Bager, di saetê de 149 km’an bilez pêş dikeve û bajarokên li qeraxê behrê yên Vîetnamê rê li ber wêraniyeke mezin vekir. Di bagerê de kolan bi kavilan tije bûn, dar ji kok ve derketin, banên avahiyan firiyan û camên mal û wesayîtan şikestin. Rêveberiya afatê heta niha tu agahiyên têkildarî windahiyên canî parve nekiriye. Bager, ber bi Kamboçya û Laosê ve pêş dikeve.&nbsp;

	&nbsp;

	Li Vîetnamê bi hezaran kesan xwe spartin dibistan û avahiyên cemaweriyê. Artêşê jî ji bo alîkariyê û xebatên lêgerînê, zêdetirî 260 hezar leşker û xebatkar, zêdetirî 6 hezar û 700 wesayît û 6 amûrên hewayî seqwî herêmê kir. Rayedaran got ku xetereya lehiyan a ser li cihên nizm didome.&nbsp;

	&nbsp;

	Hefteyek beriya bagerê, li Vîetnamê ji ber barînên zêde 50 kesan jiyana xwe ji dest dan.&nbsp;

	&nbsp;

	Bager, beriya bigihije Vîetnamê, li Filîpînan rê li ber wêraniyeke mezin vekir. Bi taybet jî kolanên Girava Cebuyê di bin avê de man û bi deh hezaran kes hatin tehliyekirin. Ji ber bagerê, 188 kesan jiyana xwe ji dest dan û 135 kes jî winda bûn. Serokê Dewletê yê Filîpînan Ferdinand Marcos Jr, duh li seranserî welat rewşa awarte ragihandibû.&nbsp;

	&nbsp;

	Li Filîpîn û Vîetnamê, piştî bagerê xebatên rizgarkirin û paqijiyê hatin destpêkirin. Rayedarên meteorolojiyê gotin ku dê di saetên pêş de bager li Kamboçya û Laosê rê li ber barînên zêde veke.&nbsp;

	&nbsp;

	Tê payin ku bager di rojên pêş de bandorê li Taylandê bike. Rayedarên xwecihî, li dijî lehî, hezaz û rabûna çeman welatî hişyar kirin. &nbsp; &nbsp;

	&nbsp;