TJK-E’yê ragihand ku dê ji bo azadiya fîzîkî ya Abdullah Ocalan di 3’yê Gulanê de bi dirûşma “Diyalogên bi Jiyana Azad re” li gelek navendên EWropayê çalakî û xwepêşandanan li dar bixin.
Iraqê, Serokê Hikûmeta Demkî ya Sûriyeyê Ahmet el-Şara vexwend Lûtkeya Ereban ku dê di 17’ê Gulanê de li Bexdayê bê lidarxistin.
Hejmara kesên di teqîna li Bender Abbasê ya li Îranê de derket 25’an. Zêdetirî hezar kes jî birîndar bûne.
Li Kanadayê kesek bi wesayîta xwe da ser welatiyên beşdarî mihrîcanê bûn. Di êrişê de gelek kesan jiyana xwe ji dest dan û gelek kes jî birîndar bûn.
Bi boneya bîranîna qurbaniyên Komkujiya Ermeniyan, li paytexta Misirê Qahîreyê têkildarî nirxandina Rêberê Gelê Kurd Abdullah Ocalan a li ser doza ermeniyan panelek hat lidarxistin.
Li Îranê 16 rêxistinên mafên mirovan ji bo ku darvekirina 85 Belûciyan bê rawestandin, bang kirin.
Li Îtalyayê di tevahiya hefteyê de baran barî û bû sedema lehiyê. Li Valdagno û Torinayê 3 kesan jiyana xwe ji dest dan.
Li Eyaleta Belucistanê ya Pakistanê malbatan ji bo xizmên xwe yên binçavkirî çalakiya rûniştinê dan destpêkirin.
Rojnameya Handelsblattê ragihand ku hikûmeta Almanyayê ji ber girtina Îmamoglû, firotina balafirên şer ên bi tîpa Eurofighterê ya ji Tirkiyeyê re asteng kir.
ICRC’ê ragihand ku di dema şerê li Sûdanê de di sala 2024’an de herî kêm 8 hezar kes winda bûne.
Senatorê Swîsreyî Sommaruga diyar kir ku daxwaza mayina li îktîdarê ya Erdogan divê nekeve pêşiya pêvajoyê û got: “Heke di pêvajoyê de jidil bin, weke gava ewil bila Ocalan berdin.”
Endamê Partiya Çep a Fransayê Jean-Christophe Sellin diyar kir piştî banga Abdullah Ocalan divê PKK ji lîsteya “terorê” were derxistin û got: “Divê Abdullah Ocalan jî ji girtîgehê derkeve û mîna Nelson Mandela divê tev li pêvajoya çareseriya siyasî bibe.”
Wezareta Tenduristiyê ya Iraqê ragihand ku ji ber bahoza tozê ku bandor li welat kir bi hezaran kes rakirin nexweşxaneyê.
Siyasetzana Misrî Dr. Fernaz Attia bal kişand ser hêza çareserkirina pirsgirêkan a Abdullah Ocalan û got ku berpirsartiya avêtina gavan li ser milê hikûmeta Tirkiyeyê e.
Parastvana mafên mirovan Nêrgiz Mihemed ku Xelata Nobelê wergirtibû, têkildarî biryarê darvekirinê yên li Îranê ji NY’ê re name şand.