Koordînasyona Şopandina Binpêkirina Mafên Girtîgehên Herêma Anatoliya Navîn rapora binpêkirina mafan a li Girtîgeha Tîpa S a Kirşehîrê û Girtîgeha Ewlehiya Bilind a Kirşehîrê eşkere kir. Rapor bi civînek çapemeniyê hat eşkerekirin. Civîn li Komeleya Mafên Mirovan (ÎHD) a Şaxa Enqereyê hat lidarxistin. Endam û rêveberên ÎHD'a Enqereyê, Komeleya Hiqûqnasên Ji bo Azadiyê (OHD) a Şaxa Enqereyê, Komeleya Hiqûqnasên Hemdem (ÇHD) a Şaxa Enqereyê, Federasyona Malbatên Girtî û Hikûmxwaran (TUHAD-FED) a Enqereyê û KomîsyonaMafên Mirovan a Odeya Bijîşkan a Enqereyê tev li civînê bûn. 

 

Endama ÇHDê parêzer Nergiz Gornaz diyar kir ku ji bo ew binpêkirinên mafan ên girtiyan tespît bikin serdana her du girtîgehan kirin e û di hevdîtinê de bi girtî û rêveberên girtîgehan re axivî ne. Nergiz Gornaz bi bîr xist van saziyên navborî serdana girtîgehan kirin e û di encama hevdîtinê de vê raporê amade kirin e. 

 

BINPÊKIRINÊN MAFAN 

 

Nergiz Gornaz binpêkirinên mafan ên qewimîne wiha rêz kir

 

“* Li Girtîgeha Tîpa S a Kirşehîrê ji bo çareserkirina pirsgirêkan di 13ê Çileya 2025an de çalakiya greva birçîbûnê ya dorveger dest pê kiriye û 7 rojan bi her roj bi girtiyekî dewam kiriye. Li girîgehê av gemarî diherike û ev nayê bikaranîn. Her tim bi awayek kêfî li dijî girtiyan lêpirsinên kêfî hatine destpêkirin. 

 

 * Hevdîtinên girtiyan û malbatan hatine astengkirin. Eşyayên ku malbatan ji girtiyan re anîne, nedane girtiyan. Her wiha mafên hewadariyê yên girtiyan hatine astengkirin û ji vî mafê xwe sûdê wernegirtin e. 

 

Mahpusların aile görüş sürelerinin görüşmeye gelen kişi sayısına bölündüğü, bu durumun görüş hakkını engellediği ve aileler tarafından mahpuslara getirilen eşyaların idare tarafından keyfi bir şekilde verilmediği ve adli ve diğer dosyalardan ceza almış mahpusların havalandırma hakkından 2 saat yararlanırken, siyasi mahpusların 45 dakika ya da 1 saat yararlandırıldığı,   * Li girtîgehê bûyerên întîharê rû dane. Bijîşkê girtîgehê li dijî girtiyan cihêkar û tevgerên bîrdozî tevgeriyaye. Berdana girtiyên ku cezayên xwe qedandin e, bi hincetên razber û kêfî hatine astengkirin. Girtî di hucreyên yek kesî de tên ragirtin. Silavdayina girtiyan hatine astengkirin û mafên perwerdehiyê yên girtiyan jî hatine astengkirin. 

 

 

 * Pirtûkên Kurdî nedane girtiyan. Heft-heyşt meh di bin lêpirsînê de hatine rawestandin. Pirtûkên ku ji hêla Weşanxaneya Aramê ve çi Kurdî çi Tirkî bi hincetên ‘bîrdoziyê xurt dike’ nedane girtiyan. Girtiyan sirgûnî girtîgehên ji malbatên wan dûr hatine kirin. Daxwaza malbata a sewqê jî nehatiye qebûlkirin.”  

 

BANGA BIDAWÎKIRINA BINPÊKIRINÊN MAFAN 

 

Nergîz Gornaz anî ziman ku tevî ku mafên girtiyan di peymanên neteweyî û navneteweyî de hatine mîsogerkirin jî lê ev maf nehatine sepandin û got: “Li her du girtîgehan jî li dijî rûmeta mirovî muameleya hatine kirin. Girtî nikarin xwe bigihînin ava paqij û zexîreyên baş. Girtiyên nexweş nayên tedawîkirin. Mafên girtiyan ên tenduristiyê, ragihandin û agahî wergirtinê hatine astengkirin. Girtî bi cihêkariyê re rû bi rû man e û her wiha bi gelek binpêkirinên mafan ên cuda re rû bi rû man e. Em daxwaz dikin ku hemû binpêkirinên mafan ên girtiyan tavilê bên bidawîkirin. Em dixwazin ku girtî li gorî şert û mercên mirovî dikaribin bijîn.”