Serlêdanên îsal ên Festîvala FîlmAmed ku cara yekemîn di sala 2011'an de ji aliyê Akademiya Hunerê ya Cegerxwîn a ser bi Şaredariya Peyasê ve hat organîzekirin, îro bi dawî bû. Piştî ku sala 2016'an qeyûm li Şaredariya Peyasê hate tayînkirin, mîhrîcan ji aliyê Akademiya Sînemayê ya Rojhilata Navîn û sazî û rêxistinên demokratîk ên li bajêr ve hate dewamkirin û îsal 600 serlêdan hatin qebûlkirin. Festîvala ku wê Akademiya Sînemayê ya Rojhilata Navîn û Şaredariya Peyasê bi hev re lidar bixe, wê di 26-30 'ê Îlonê de pêk were. Festîvala Belgefîlman a FîlmAmed ku îsal cara 9'emîn bi şîara 'Reh... Li dora agir rastiyên efsûnî' gelek serlêdanên ji bo belgefîlm û projeyên belgefîlm ên ji welatên cuda hatine wergirtin.

 

'LI DORA AGIR RASTIYÊN EFSÛNÎ'

 

Ji koordînatorên mîhrîcanê Mehmet Emîn Îsî diyar kir ku tê payin gelek derhêner û hilberîner tevlî bibin diyar kir ku herî dawî wan mîhrîcan di sala 2023'an de li dar xistine û îsal ji bo ji nû ve destpêkirina mîhrîcanê bi şîara 'Reh... Li dora agir rastiyên efsûnî'. Îsî da zanîn ku festîva bi organîzeya Şaredariya Peyasê destpê kir û di nava vê 8 salan de wan 4 festîval lidar xistine û piştî van 4 festîvalan xwestine festîvalê careke din pêk bînin. Îsî anî ziman ku piştî nîqaşa bi Şaredariya Peyasê re wan dest bi amadekariyên festîvalê kirine û dirûşma mîhrîcanê jî li gorî vê yekê teşe digire iş diyar kir ku ew dixwazin bi dirûşemeya vegerandina belgefilmê li bîranîn û kokê vebêjin û behsa çîrokên ku ji kokê ve hatine veguhastin bikin.

 

 

SERLÊDANÊN JI AMERÎKAYÊ HETA HINDISTANÊ 

 

Îsî diyar kir ku îsal xwestine festîvalê bibin qada navneteweyî û ji qada navneteweyî jî serlêdan hatine kirin. Îsî da zanîn ku ji cihên cuda yên cîhanê, ji Afrîkayê heta Hîndîstan û Amerîkayê serlêdanên belgefîlman hatine kirin û wiha got: "Niha gelek serlêdan hene ku 600 derbas kirine. Ji bo Fona Fîlman a Amedê jî 20 serlêdanên projeyê hene. Ji bo nirxandina van serlêdanan jûriya destpêkê ya ji 7 kesan hat avakirin. Ev jûrî wê li hemû fîlman temaşe bike û binirxîne û di nava wan de hilbijartinekê bike. Xebatên li ser vê yekê dest pê kirin. Em bi hemû hêza xwe hewl didin ku ew veguhere festîvaleke ku pêkhateyên neteweyî û navneteweyî."

 

 

HEMÛ KES VEXWEND FESTÎVALÊ

 

Îsî diyar kir ku dixwazin nîvê belgefîlman ji yên neteweyî û nîvê din jî ji belgefîlmên navneteweyî hilbijêr in û wiha got: "Beriya festîvalê em ê di çarçoveya festîvalê de atolyeyeke fîlman a belgefîlman organîze bikin ku balê dikişîne ser fîlmên dokûmanter. Ji atolyeyan heta nîqaş û panelan amadekariyên me hene. Îsal ji ber girêdana belgefilman bi bîranînê û pêwîstiya bîranîna Kurdistanê em ê festîvala xwe bi kelecaneke mezin li dar bixin. Em temaşevanên li Amedê vedixwînin atolyeyên beriya festîvalê bên çêkirin û fîlmên di festîvalê de bên nîşandan Em hem rêveberên xwe hem jî gelê Amedê vedixwînin platformeke ku derhênerên ji çar aliyên cîhanê û Kurdistanê dikarin bên û mirov karibin nîqaş bikin."

 

MA / Mujdat Can