Di panela aştiyê ya ku bi pêşengiya KESK’ê hat lidarxistin de hat diyarkirin ku jin ji pêvajoyê hatine dûrxistin û wiha hat gotin: “Dema em li mînakên gelek deverên cîhanê dinêrin, mixabin ne pêkan e ku pêvajoyeke aştiyê bêyî jinê civakî û mayînde bibe."
Mehmet Şahînê ku piştî 30 salan serbest hat berdan, diyar kir ku banga Abdullah Ocalan li girtîgehan bi coş hatiye pêşwazîkirin û got: "Hêviya me, serketina vê pêvajoyê ye."
Şandeya KNK’ê serdana navenda Rêveberiya Xweseriya Demokratîk a Herêma Bakur û Rojhilatê Sûriyeyê ya li Reqayê kir. Di hevdîtinê de krîza li Sûriye û Konferansa Yekrêzî û Yekhelwesta Kurdan hatin nîqaşkirin.
Di çalakiya xizmên windayan ên li Amed, Êlih û Colemêrgê de li aqûbeta Omer Sogut, Ahmet Tekîn hat pirsin û îşaret bi politikaya bêcezatiyê ya di dosyeya Sertîp Şenê di sala 2019'an de hat qetilkirin, hat kirin.
Dayikên Şemiyê di hefteya hezar û 49 an de li Qada Galatasarayê ji bo kiryarên Husemettin Yaman û Soner Gul bên dîtin û cezakirin, daxuyanî dan û xwestin ku kujer bên darizandin.
Bi boneya 3’yê Gulanê Roja Azadiya Çapemeniyê a Cîhanî, Înîsiyatîfa Gelo Haya Te Jê Heye ku li ser rojnameyên BirGun, Yenî Yaşam û Evrenselê bi yek manşetê derdikeve, got: 1Hûn nikarin me bê deng bikin."
Komeleya Rojnamevanan a Dicle Fıratê (DFG) di 3’yê Gulanê Roja Azadiya Çapemeniyê ya Cîhanê de rapora xwe ya meha Nîsanê ya binpêkirina mafan eşkere kir. Li gor raporê di meha Nîsanê de 3 rojnamevan hatine girtin û 171 hesabên medyaya dîjîtal jî hatine astengkirin.
MKG'ê bi boneya 3'yê Gulanê Roja Azadiya Çapemeniyê ya Cîhanê daxuyaniyek weşand û got ku ew ê her dem azadiya çapemeniyê û rastiyan biparêzin.
Îhsan Acar ê ku 31 sal in ji bo aqûbeta bavê xwe yê li ber çavên wî hat binçavkirin û piştre hat windakirin têdikoşe, ji bo banga Abdullah Ocalan bê bersivandin û aştiyeke mayînde banga "hevrûbûnê" kir.
Şaredarê AKP'î yê Elkê yê berê Habîp Aşan, otêla ku ji sedî 75 bi piştgiriya Wezareta Çand û Turîzmê çêkiribû, bi 90 milyon TL'yî firot midûriyeta perwerdehiyê.
Helbestvan û nivîskar Fadil Ozturk ku bi nexweşiya penceşêrê ketibû û jiyana xwe ji dest da, hate definkirin.
Serdanên taziyeyê yên ji bo Pelîn Yilmaz ku di êrîşeke li Herêma Federal a Kurdistanê de jiyana xwe ji dest dabû berdewam dikin.
Ji 416 kesên ku di 1'ê Gulanê de xwestin biçin Qada Taksîmê hatin binçavkirin 372 kes hatin berdan.
Hevberdevka Komîsyona Zarokan a DEM Partiyê Bêrîtan Guneş piştî danişîna doza qetilkirina Narîn Guranê axivî û got: “Avakirina civaka demokratîk, rêya çareseriya sûcên li dijî jin û zarokan e.”