Parlamentera HDP'ê Ayşe Acar Başaran bang li dayikên ku li ber derê Rêxistina HDP'ê ya Amedê rûniştine kir û ev tişt got: "Divê bê zanîn ku sedema çûyîna wan zarokan a çiya, girtina wan a girtîgehê û qetilkirina bi hezaran jin û ciwanan siyaseta şer a ku ji aliyê hikûmetê ve bi israr tê domandine."
Wezîrê Turîzm û Çandê yê berê Ertûgrûl Gunay, kesên ji AKP'ê îstifa kirin û Serokwezîrê berê Ahmet Davûtoglû jî di nav de 4 kesên sewqî desteya dîsîplînê hatin kirin nirxand.
Parlementerê HDP'ê Mahmût Togrûl, bi lêv kir ku ji ber helwesta HDP'ê ya di hilbijartina 31'ê Adarê û 23'yê Hezîranê de, niha tê xwestin partiya wan "bi destê qeyûman bê cezakirin" û got: "Dibe ku ev êrîş zêde jî bibin."
Hevserokên Giştî yên HDP'ê Pervîn Bûldan û Sezaî Temellî, bertek nîşanî rewşa nediyar a li ser Hevserokê berê Selahattîn Demîrtaş didome dan û daxwaz kirin ku demildest wekîl û hilbijêrê wan ê girtî bê berdan.
Parlementera Wanê Muazzez Orhan, di roja 18’emîn a şermezarkirina qeyûm de axivî û got: “Polîtîkayên cihêkar û bendbendiyê, tu tiştî bi gelên Tirkiyeyê na de qezenc kirin. Ji ber vê alîgirên aştiyê dengê xwe li dijî tayînakirina qeyûman bilind dikin.”
Serokê Giştî yê CHP'ê Kemal Kiliçdaroglû diyar kir ku polîtîkaya Sûriyeyê ji serî ve şaş e û heke wiha bidome dê 3 milyon penaberên din jî bên.
Li Mêrdînê Nobeta Demokrasiyê di roja 18’emîn de ye. Wekîlê Serokê Meclîsê Mîthat Sancar axivî û got: “Em ê dawî li xesp, talan, derew û heramiyê bînin.”
Serokkomar Erdogan di mijara 'Herêma Ewle' de careke din gef li welatên Ewropayê xwar û ev tişt got: "Heke Herêma Ewle nebe em ê neçar bimînin ku deriyan vebikin."
Hevserokê Giştî yê KCD'ê Berdan Ozturk, têkildarî operasyonên der sînor, tayînkirina qeyûman a Şaredariyên HDP’ê û tecrîda Rêberê PKK'ê Abdullah Ocalan nirxandin kir. Ozturk, bang li Rêveberiya Herêma Kurdistana Federe kir û xwest li dijî van operasyonên dersînor bêdeng nemîne û got: "Divê em erk û perpirsiyariya xwe ya li dijî gel û dîrokê bilîzin."
Parêzerê Hevşaredar Selçuk Mizrakli, Mehmet Emîn Aktar derbarê îdiayên tayînkirina qeyûman de got: “Tê gotin lêpirsînek dest pê kiriye, lê têkildarî lêpirsînê ne parastinek ne jî beyanek heye. Ji dûrxistina hevşaredaran tu aliyê wê mafdar ê hiqûqî nîne.”
Wekîlê CHP’ê Sezgîn Tanrikulu yê hevşaredarên Bajarê Mezin ê Wanê yên qeyûm tayînê cihê wan hat kirin ziyaret kir, diyar kir ku bi pergal û feraseta heyî re, derî li rêyek têkoşînê ya nû hatiye vekirin û got: “Ji bo ku hemû welatiyên me li Tirkiyeyê bi awayekê wekhev, azad û dinava edaletê bijîn, em ê vî derî heya dawiyê vekin.”
Belgeyên nû yên ruşwetê yên Şêwirmendê Qeyûmê Şaredariya Bajarê Mezin ê Mêrdînê û Walî Mustafa Yaman, Bulent Erdolu derketin holê. Li gorî van belge û fatûrayan, maşîna ku ji bo Serokomar Erdogan bi 375 tl kirê kirin, heman maşîne ji bo Wezîrê Karên Hundir Soylu bi hezar û 100 tl krî kiriye.
Li dijî permezarkirinên qeyûman, polîsan avahiya HDP’ê ya Adenê û gelek cih dorpêç kirine. Bi biryara qedexeya 15 rojan a walîtiyê re, ketin û derketin avahiya HDP’ê tê astengkirin. Hevseroka HDP’ê ya Bajar Gulseren Tural a ket avahiya partiya xwe û derket, pereyê ceza lê birîn.
Hevserokê Giştî yê HDP'ê Sezaî Temellî, Komeleya Hîndekarên Zanîngehê ziyaret kir. Temellî, diyar kir ku meseleya herî girîng a Tirkiyeyê 'Meseleya demokratikbûnê ye' û wiha got: "Em li dijî bê hiqûqîyê bi hevre tev bigerin. Em bêtir dengê xwe bilind bikin."
Berdevkê HDP'ê Gunay Kubîlay, diyar kir ku di rewşe awarte de meclîs têkeve betlanê nayê qebûlkirin û wiha got: “Em wekî HDP'ê bang li AKP û MHP’ê ya zêdeya parlamenteran di destê wê deye dikin ku bi lez meclîsê kom bike.