Goştê sor ku bihayê wî li gorî par du qat zêde bûye, êdî li ser sifreyan naxuye. Welatiyên ku nikarin goştê spî jî bikirin hestî û bermayên mirîşkan yên ji goş hatine xalîkirin û berê li qesabxaneyan belaş dihatin dayîn, distînin.
Endamên Sendîkaya Petrol-Îş’ê ji ber bihabûn, enflasyona zêde, mûçeyên wan ên têrî wan nakin û bi daxwaza debara mirovane meş li dar xistin.
Bîanetê bi hincetên aboriyê, edîtorê xwe yê nûçeyên kurdî Ferîd Demîrel, edîtora medyaya dijîtal Dîlek Sarigul û edîtora nûçeyên ingilîzî Pinar Erol ji kar derxist.
Karkerên fîrmeya Agrobayê ku dema li Bergamayê dixebitîn ji kar hatibûn derxistin û ev 210 roj in li pêşiya serayê li ber xwe didin, piştî daxuyaniya li Bergamayê ber bi Enqereyê ve dest bi meşê kirin.
Kedkarên tenduristiyê li Edeneyê bi boneya 14’ê Adarê Cejna Tipê daketin kolanan û bi pêşmalkên xwe “Meşa Spî” li dar xistin. Di çalakiyê de kedkaran daxwazên xwe yên ji hikûmetê anîn ziman.
Qeyûmê Şaredariya Bajarê Mezin a Wanê ku gelek neguhêzbar dewrî saziyên fermî kirin, 5 roj beriya hilbijartinê dê 600 hezar mîtroçargoşe erd bifiroşe.
Karkerê bi navê Selahattîn Benek ku li ser înşaeta TOKÎ’yê ya Semsûrê dixebitî ji avahî kete xwarê û bi giranî birîndar bû.
TUÎK’ê ragihand ku li gorî mehek beriya vê mehê, bêkariya li welêt ji sedî 0,2 zêde bû û derket ji sedî 9,1’ê.
Qeyûmê Şaredariya Bajarê Mezin a Wanê ku derket holê ku deynê wî 3 milyar û 697 hezar û 382 lîre ye, li ber çûyînê hemû neguhêzbaran dewr dike, krediyên nû dikişîne û kadroyên vala yên li şaredariyê bi alîgirên xwe dadigire.
Li gorî daneyên ÎSÎG’ê di meha sibatê de herî kêm 144 karkeran jiyana xwe ji dest dane û ji van 6 jê zarokên karker in û herî zêde di qada înşaetê de mirin çêbûne.
Li gorî TUÎK’ê enflasyon di meha sibatê de li gorî mehek berê ji sedî 4,53 û li gorî meha par jî ji sedî 67,07 zêde bû.
ENAG’ê ragihand ku enflasyon di meha sibatê de ji sedî 4,32 zêde bû û enflasyona salane weke ji sedî 121,98 ragihand.
Xebatkarên ASM’ê bi daxwaza “di bacê de edalet” daketin qadan û gotin: “Em dikarin pergala bacê ya ne bi edalet biguherînin.”
Peymana Kar a Komelî ya Şaredariya Silopiyayê ku 104 xebatkarên kadro û 214 ên ne kadro digire nav xwe, bi torenê hat îmzekirin. Di çarçoveya peymanê de ji bo mûçeyên karkeran ji sedî 99 û ji sedî 116 zem hate kirin.
Li gorî lihevkirina di navbera Şaredariya Silopiyayê û Sendîkaya Genel-Îş’ê, ji bo heqdestê xebatkarên bikador ji sedî 99 zem ji bo heqdestê xebatkarên ne kadro jî ji sedî 116 zem hate kirin.