Tevî ku 11 meh bi ser erdhejan re derbas bûne jî li Meletiyê pirsgirêkên mexdurên erdhejê nehatinê çareser kirin. Ji bilî pirsgirêka xaniyan, welatî ji ber erdhej û krîza aborî hewl didin di nav xizaniyê de debara xwe bikin.
Ji bo komên cigareyê yên Philip Morris û JTI’yê zem hate kirin.
ÎSÎG’ê da zanîn ku di meha kanûnê de 154 cînayetê kar qewimî ne.
Ji bo koma cigareyê ya Philip Morrisê 2 lîre zem hate kirin.
Dikandarên Serêkaniyê ku piştî êrişên Tirkiyeyê û komên paramîlîter ên li ser Bakur û Rojhilatê Sûriyeyê veguherî "girtîgeheke sê aliyên wê girtî" diyar kirin ku ji ber bihabûnê nikarin karê xwe bikin û hewl didin deynên xwe bi krediyan bidin.
Ji bo mûçeyên memûr û teqawidên memûrtiyê ji sedî 49.25 zem hate kirin.
Li gorî TUÎK’ê, enflasyona sala 2023’yan bû ji sedî 64,77.
Li gorî daneyên ENAG’ê; enflasyona sala 2023’yan derket ji sedî 127,21’ê.
Endama Lijneya Rêveber a TOP'ê Julîana Gozenê diyar kir ku yekîtiya dewlet-sermayeyê wê zêdetir xizanî, bêkarî û zextan li karkeran bar bike û got ku berxwedanên karkeran ên di sala 2023'yan de dest pê kirin, dê di sala 2024'an de jî mezin bibin û pêwîst e mirov ji bo vê pêvajyê jî amade be.
Şefê şantiyeyê Burak Soydaş (39) ji banê dibistaneke 4 qat a di înşaetê de kete xwarê û jiyana xwe ji dest da.
72 karkerên li Nexweşxaneya Zanîngeha Enqereyê dixebitîn, çend saet beriya têketina sala nû, ji kar hatin avêtin.
Li gorî lêkolîna meha kanûnê ya Turk-Îş’ê sînorê birçîbûnê bû 14 hezar û 431 lîre û sînorê xizaniyê jî ji 47 hezar lireyan derbas bû.
Serokê Genel Îş’ê Becet Barût diyar kir ku Şaredariya Bajarê Mezin a Amedê ku qeyûm lê hatiye tayînkirin dixwaze wan ji kar derxîne û wiha got: “Di vê krîza giran de derxistina karkeran a ji kar, bêwijdanî ye û nayê qebûlkirin.”
Piştî ku mûçeya kêmtirîn hat diyarkirin, mûçeya malnişînan bû cihê meraqê. Welatiyên ku diyar kirin ew nikarin debara xwe bi mûçeya malnişîniyê bikin, xwestin ku sînorê xizaniyê li ber çavan bê girtin.
Ji bo bihayê belgenameyên nasname, pasaport û ehliyetê zem hate kirin.