Cotkarên ku têkildarî pirsgirêkên li TMO’yê tên jiyîn axivîn, destnîşan kirin ku Cîgirê Serokê MHP’a Amedê yê berê O. Y. di TMO’yê de şebekeyek ava kiriye û anîn ziman ku O. Y. cotkaran neçar dihêle ku berhemên xwe bi awayekî erzan bifiroşin wî.
Ji bo bihayê motorînê lîreyek û 80 qirûş zem hate kirin.
Hevseroka Giştî ya KESK’ê Şukran Kablan Yeşîl da zanîn ku li ser maseyên TÎS’ê ji mafên xwe yên şexsî bêpar tên hiştin û wiha got: “Em ê li dijî pergala ku hewl dide fatûreya krîzê bo kedkaran bibire têbikoşin.”
Di 10'ê hezîranê de li Mêrdînê ji bo veguhestina nava bajar ji sedî 42 zem hatibû kirin û niha dîsa ji sedî 50 zem hate kirin.
TUÎK’ê daneyên îstatîstîkê yên hêza kar a meha hezîranê parve kir. Hat gotin ku rêjeya bêkariyê derketiye ji sedî 9.6’an.
Karkerên FEDAŞ’ê bi sedema ka heqê wan kêm tê dayîn çalakî li dar xistin û xwestin ku mûçeyên wan bên zêdekirin.
Asim Sûltanoglû ku ji ber tecawiza li Weqfa Ensarê derheqê wî de lêpirsîn hatibû vekirin, weke Midûrê Perwerdeya Neteweyî yê Rihayê hatibû tayînkirin. Platforma Ked û Demokrasiyê ya Rihayê bertek nîşan da, xwest tayîna wî were betalkirin û tacegula reş danîn pêşiya avahiya midûriyetê.
Karkerê di teqîna sîloya TMO’yê ya li Derînceyê de birîndar bûbû jiyana xwe ji dest da.
Midûrê Giştî yê DEPSAŞ’ê Mûrat Karaguzel destnîşan kir ku Amed jî di nav de hejmara aboneyên avê yên 6 bajaran gihiştiye 2,2 milyonan û qerên wan gihiştiye 16 milyaran. Karaguzel anî ziman ku dê ceyrana kesên deynên xwe nedin bên birîn û abonetiya wan were betalkirin.
Ji damezirînerên KESK’ê Sevîl Fîgen Erol di salvegera wefata xwe de li ser gora xwe hate bibîranîn.
Qesabên li Wanê ku weke navenda goşt tê zanîn piştî zemên li ser hev têne kirin, li ber îflasê ne.
Esnafên Dêrsimê diyar kirin ku mîhrîcan jî ji derdên wan re nebûye derman û wiha bertek nîşanî krîza aborî dan: “Her roj zem tên kirin. Êdî xelk nikare tiştekî bikire.”
Li gorî rapora Meclisa ÎSÎG’ê ya der barê cînayetên kar, di meha tîrmehê de 182 karkeran jiyana xwe ji dest dan.
Serokê Odeya Firinvanan ê Wanê Sabrî Işik, bi lêv kir ku esnaf û sinetkar bajarî li ser piyan dihêlin û wiha got: “Ji ber esnaf nikare bifiroşe, nikare mafê karkerî bide. Ji ber karker jî nikare mafê xwe bistîne ji van deran diçe rojavayê welat.”
Tabloya dahat û lêçûnên TDV’ê ku girêdayî Serokatiya Karên Diyanetê ye û venihêrîna wê nayê kirin, ji hêla çapameniyê ve hate parvekirin. Li gorî vê yekê; dahata weqfê li gorî sala 2020’ê ji sedî 218 û li gorî sala 2021’ê jî ji sedî 93 zêdetir bû.