Ji gerîlayên HPG’ê Çeko Ayhan ku di koma gerîla ya vekişiyayîbû de cih digirt, daxwaza azadiya fîzîkî ya Abdullah Ocalan û misogerkirina mafên zagonî yên gelê Kurd kir. Ayhan, got: “Em dixwazin li ser zemîneke azad siyaseta demokratîk bikin.”
Mehmet Şah Bîten ku 25 sal in li Enqereyê dijî, li gundê Zerê yê Bismilê ku qet neçûyê û navê gund jî qet nebihîstiye, ji ber bikaranîna "ceyrana qaçax" 850 hezar TL cezayê pereyî lê hatiye birîn.
Dikandaran diyar kirin ku şaredariya di bin rêveberiya qeyûm de tevî kabloyên înternetê û av zirarê dibînin jî çêkirina rêyê didomîne û gotin ku tişta qeyûm dike wan mexdûr dike. Welatiyan bertek nîşan da ku 2 meh in rê nehatiye temamkirin.
Sekreterê Giştî yê Baroya Amedê Baver Mizrak diyar kir ku di çarçoveya pêvajoyê de tiştê herî lezgîn ku were kirin qanûna entegrasyonê ye û got ku komîsyona ku wan di vê çarçoveyê de ava kiriye dê di bin 11 sernavan de xebatên hiqûqî bidomîne.
Xizmên girtiyên ku sirgûnî cihên dûrî bajarên ku malbatên wan lê ne bûne, destnîşan kirin ku ji ber dûrbûnê bi salan e ew nikarin xizmên xwe bibînin û xwestin ku demildest ji bo serbestberdana girtiyan verastkirinên qanûnî werin kirin.
Xelkê navçeya Tûşbayê, ji ber cihoka DSÎ'yê ya servekirî ku bêhna genî jê tê, nerihet in. Welatî bi salan e pirsgirêkê radigihînin, lê DSÎ heya niha ji bo çareserkirinê tu tişt nekiriye.
Şandeya Îmraliyê ya DEM Partiyê tekildarî hevdîtina bi Erdogan re daxuyaniyeke nivîskî parve kir. Di daxuyaniyê de hat gotin ku li ser pêvajoyê nirxandinên berfireh hatine kirin û ji bo pêşveçûna pêvajoyê ji aliyê avêtina gavên pêwîst ve li hev kirine.
Nîzamettîn Kabaîş ku beşdarî çalakiya xwendekarên YYU'yê bû û daxwaza ronîkirina mirina biguman a keça xwe Rojîn Kabaîşê kir, got ku telefona Rojîn Kabaîşê dê ji bo lêkolînê bişînin Portekîzê.
Hevdîtina Şandeya Îmraliyê ya DEM Partî ya bi Erdogan re bi dawî bû. Hevdîtina ku Serokê MÎT'ê Îbrahîm Kalin û Cigirê Serokê AKP'ê Efkan Ala jî tevlî bûn nêzî saeteke dom kir.
Civîna komîsyona meclisê ya 16'an ku Wezîrê Karên Derve Hakan Fîdan û Wezîrê Dadê Yilmaz Tûnç hatin guhdarkirin bi dawî bû. Civîn ji çapemeniyê re girtî bû.
Endamên Şandeya Îmraliyê ya DEM Partiyê ji bo hevdîtina bi Erdogan re bi rê ketin. Şandeyê li Navenda Giştî ya DEM Partiyê daxuyaniyeke kurt da. Pervîn Bûldanê got ku ew ê gavên ku divê bên avetin gotûbêj bikin.
Rewşa rojnameger Huseyîn Aykol ku xwîn çûbû ser mejiyê wî û hatiye entubekirin, giran e.
Zanyarê Siyasetê Eren Aksoyoglû, diyar kir ku siyaseta Abdullah Ocalan li Meclisê bike pêwîstiyeke pêvajoyê ye û got: “Heke Meclis giraniya xwe nîşan bide; diviyabû Abdullah Ocalan bianiya Enqereyê, Meclisê. Di vê pêvajoyê de peywir dikeve ser milê sosyal demokratan.”
Hevberdevka HDK’ê ya Stenbolê Dîdem Yilmazê diyar kir ku hewceye dewlet gavên her kes li bendê ye biavêje û got: “Divê devlet verastkirinên zagonî yên baweriyê didin bike.”