Serokê Giştî yê OSP’ê Sînan Çîftyurek bertek nîşanî êrîşên Iraq û Heşdî Şabî yên li hemberî Kerkûkê da û diyar kir ku divê gelê kurd li hemberî van êrîşan tewrekî hevpar nîşan bide û wiha got: “Heke êrîş berdewam bikin, divê Başûr û Rojava bi vîneke hevpar sînorên di navbera xwe de rabikin.”
Civîna MGK’ê ya ji bo dirêjkirina OHAL'ê bi dawî bû. Di civînê de hat xwestin ku 3 meh din OHAL bê dirêjkirin.
Nivîskar-lêkolîner Hamîde Yîgît diyar kir ku peywira "Tişta ku te kiriye paqij bike" li Idlibê dane Tirkiyeyê û da zanîn ku Tirkiye li vir peywira rewabûna Nusrayê girtiye ser xwe. Yîgît krîza DYA'yê jî bi vê ve girêda û wiha got: "Lahey li benda rêveberên AKP'ê ye."
Cîgirê Sekreterê YNK'ê Kosret Resûl Elî têkildarî rewşa Kerkûkê diyar kir ku artêşa Iraqê û Heşdî Şebî dixwazin êrîşî Kerkûkê bikin û got; "Em ê bi tu rengî êrîş nekin. Em naxwazin ji şer re bibin pêşeng, lê em ê parastinê bikin.
Parlamenterê HDP'ê yê Amedê Ziya Pîr, li ser polîtîkayên hikûmetê yên derve rawestiya û wiha got: "Polîtîkayên Tirkiye yên derve xelas bûne. Serokomar Erdogan ji ber polîtikayên derve ketiye panîkê. Hikûmet êdî nikare polîtîkayên derve diyar bike."
Serokwekîlê Koma HDP’ê Ahmet Yildirim destnîşan kir ku bi bûyera Mûglayê re “Tirkiye bûye komara îşkenceyan” û got: “Kesên li Mûglayê bi saxî desteser kirin, bi fetisandinê hatine kuştin.” Yildirim li ser pêkanînên qeyûman jî wiha got: “Êdî navê van ne qeyûm e navê wan xortomcî ne”
Hevşaredarê berê yê Mêrdînê Ahmet Turk di 5'emîn salvegera damezirandina HDP'ê de diyar kir ku heta kurd azad nebin tirk qet azad nabin û wiha got: "Tevî hemû neheqî, bê hiqûqî û zilmê em îro dîsa li ser piyan in. Em di ber xwe didin em dê di ber xwe bidin."
Hevserokê Giştî yê HDP'ê Selahattîn Demîrtaş û Fîgen Yuksekdag bi peyamekê salvegera partiya xwe pîroz kirin. Demîrtaş di peyama xwe de ev tişt got: "Dema HDP bê 10 saliya xwe hûn bibînin. Bimeşe HDP rêya te vekirî be. Tuyê teqes bi ser kevî. Başe ku tu heyî. Salên te zêde bin..." Fîgen Yuksekdag jî aşkera kir ku ew deyndarên hemû pêşengên li cîhanê ne û dê bi hêzê mezinbûnê bi ser kevin.
Parlamentera HDP’ê Fîlîz Kerestecîoglu, di kongreya Rêxistina HDP'ê ya Muglayê de têkildarî qanûna miftîtiyê axivî û wiha got: “Serokomar Erdogan bixwaze jî nexwaze jî ew qanûn dê neyê qebûlkirin. Em jin dê destûrê nedin vê yekê.”
Rêxistina HDP'ê 5'emîn salvegera xwe li Stenbolê pîroz kir. Di şahiyê de ji bo azadiya Ocalan dirûşme hatin berz kirin. Hevseroka Giştî ya HDP'ê Serpil Kemalbay, diyar kir ku ew dê vê keştiyê bi piştevanî û şewirê bigînin gravê û wiha got: "Hêviyên me mezin in. Em dê bi hevre bi ser bikevin."
Parlamentera CHP'ê ya Enqereyê Şenal Sarihan, ji Wezîrê Karên Hundir Suleyman Soylu, revandina xwendekarê Zanîngehê Denîz Bahçecî yê ji aliyê kesên wekî KGT'ê xwe dan naskirin pirsî. Sarihan, ji wezîr Soylu pirsa "Kesên xwe wekî KGT'ê pênase kirin kîne" pirsî.
Hêzên muxalif têkildarî niqaşên nava AKP'ê, rewşa AKP'ê wekî Keştiya Noqî avê dibe pênase kirin. AKP dixwaze kesên wekî westiyayî îstîfa bike. Kesên li dijî îstîfayê di ber xwe didin jî li djî wan ji nava AKP'ê dengê “qeyûm" bilind dibe.
Hevseroka Kantona Efrînê Hevî Mistefa, têkildarî ketina leşkerên Tirkiye ya Idlibê û daxuyaniyên îktîdara AKP'ê diyar kir ku Tirkiye li ser navê "Parastina sivîlan" dikeve Idlibê û wiha got: "Lê di rastiyê de armanca Tirkiye ya sereke pêşîgirtina destkeftiyê kurdan e. Erdogan li dijî kurdan bi dijminê xwe re îtifaqê çê dike. Lê Erdogan çi bike jî dê Idlib bikeve."
HDP dê salvegera damezrandina xwe ya 5’emîn sibê li Stenbolê bi şahiyekê pîroz bike.
Di demên dawî de li Meclisa Tirkiyeyê peyva "Kurdistan"ê ji ber ku şaş tê gotin, Wekîlê HDP'ê Lezgîn Botan bi pirsnûmeyekê xwest "Şaşî bê sererastkirin".